Cumpededa dla jënt 2011
De utober dl 2011 uniral inò fat na cumpededa dla jënt.
Uni zitadin y uni zitadina puderà nce se detlaré pert de si grupa de rujeneda. Chësta
detlarazion taca adum cun la regules dl juech
dl lëur, dl'abitazion, dla furmazion, dla cultura y dl'economia,
y perchël nce cun l danì dla jënt ladina.
Uni diesc ani muessel unì fat, aldò dla lege, na cumpededa dla jënt y di cuatieres. Tl Sudtirol
scumencerà la 15ejima cumpededa dla jënt ai 9 de utober 2011. I resultac nes dijerà tan de
zitadins y zitadines y tan de fulestieres che viv tla provinzia, tan de families che l ie y tan de cuatieres y cëses.
L fin dla cumpededa dla jënt ie chël de nriescer dac statistics sun la populazion. Dantaldut iesen nteressei ala carateristiches strutureles dla sozietà dl Sudtirol. Oradechël uelen ti dé la puscibltà ai chemuns de ajurné si registri anagrafics. L vën pona nce tëut su nfurmazions sun la cumpededa y la carateristiches dla cëses y di cuatieres. Y sambën uelen nce savëi avisa tan grandes che la trëi grupes de rujeneda ie tl Sudtirol.
Nuvità de mpurtanza: la nrescida anonima cun l sëul fi n dl relevamënt statistich dl proporz
Tl 2011 possen per l prim iede dé ju la detlarazion dla purtenienza ala grupa de rujeneda tres n formuler anonim. Chësta detlarazion à defati l sëul fin de n relevamënt statistich dla proporzions danter la trëi grupes de rujeneda. Tres chësta detlarazion ne vëniel nia tucà o mudà la detlarazion persunela che ie bele per uni un y uni una te sunieria.
15ejima cumpededa generela dla jënt – 9 d‘utober 2011
La proscima cumpededa dla jënt y di cuatieres arà coche data de referimënt i 9 d’utober 2011; l ciamp d’usservazion ie costituì – a livel de uni chemun – dala populazion residënta y da chëla presënta. La uniteies de relevamënt ie la families, la cunvivënzes, l’abitazions, la frabiches y – mé per la provinzia de Bulsan –la cunsistënza dla trëi grupes de rujeneda.
Per nfurmazions plu avisa:
www.provinz.bz.it/astat
numer vërt 800 649 122
